L’Asociación Agraria de Chovens Agricultors (ASAJA) y ESRI Espanya, interpresa lider en plataformas de cheolocalización, han enchegato una bolsa de treballo que pretende canalizar las demandas d’emplego pa los interpresarios agrarios que van a necesitar de man d’obra en las proximas campanyas de recolección, qüestión destacata pe´l estato d’alarma en lo qual nos trobamos y que coincide con la recolección d’a fruta de ueso, entre atras.
Asaja preveye que en los proximos meses lo sector agrario va a necesitar d’un volumen de treballadors a-saber-que elevato, d’entre 100.000 y os 150.000 emplegos eventuals pa lo campo. A traviés d’a plataforma creyata per ASAJA y ESRI Espanya, los demandants d’emplego de tota Espanya pueden canalizar las suyas solicitutz de treballo y los ofertants podrán disposar de la demanda real de treballadors per localidatz.
Si t’intresa esta Bolsa d’Emplego, podrás acceder dreitament a la web de l’Asociación www.asaja.com. Una vegada adintro, has de punchar n´o vinclo d’inscripción y replenar un sencillo formulario on habrás de introducir los tuyos datos personals. No ixuplides especificar l’adreza d’o tuyo domicilio y las campanyas agrarias en las quals quieras participar-ie.
Quí podrán treballar n´o campo y entre atras posibilidatz apuntar-se a esta bolsa? Treballadors con permiso de residencia y treballo, personas en situación de desemplego u cese d’actividat, treballadors que lo contracto suya s’haiga visto temporalment suspendito, treballadors migrants que lo permiso suyo de treballo concluiga en lo periodo comprendito entre al dentrata en vigor d’a declaración d’o Estato d’alarma y lo 30 de chunyo de 2.020, y tamién chovens nacionals de tercers países, que se troben en situación regular d’entre 18 y 21 anyos.
Fuent: ASAJA
@dslloadvogau