Dimpués d’a declaración d’o Estau d’Alarma se pueden acceder a varios tipos d’aduyas u a diferents vías pa poder fer frent a´l pago d’o loguero:
- Suspensión de desfiuzamientoss.
- Prorroga extraordinaria d’os contractos de loguero.
- Microcreditos sin intreses con refirmo d’o ICO.
- Programa d’aduyas que s’incorporan a´l Plan Estatal de Vivienda 2018-2021.
Quí pueden solicitar-las?
- Personas que se troben en desemplego.
- Personas en situación de ERTE.
- Toda persona que haiga habito de reducirl a suya chornada laboral per motivos de cudiatos.
- Treballadors autonomos que los suyos ingresos s’haigan visto reducitos como conseqüencia d’o impacto social y economico d’o coronavirus.
Pa poder optar a estas aduyas u vías pa poder fer frent a´l pago d’o loguero entre o mes immediatament anterior a la solicitut has de complir estos requisitos:
- Con caracter cheneral, lo limite de tres vegadas lo IPREM, que este 2.020 ye de 537,84 euros a´l mes.
- Este limite s’incrementará en 0,1 vegadas lo IPREM per cada fillo a cargo en la unidat familiar. Lo incremento aplicable per fillo a cargo será de 0,15 vegadas lo IPREM per cada fillo en lo caso d’unidat familiar monoparental.
- Este limite s’incrementará en 0,1 vegadas lo IPREM per cada persona mayor de 65 anyos miembro d’a unidat familiar.
- Caso que belún d’os miembros d’a unidat familiar tienga declarata discapacidat superior a´l 33 por ciento, situación de dependencia u malotía que le incapacite de forma permanent pa realizar una actividat laboral acreditondo-ne, lo limite sinyalau dinantes será de quatro vegadas lo IPREM, sin perchuicio d’os incrementos acumulatos per fillo a cargo.
- En lo caso que la persona obligata a pagar lo loguero sía una persona con paralís cerebral, malotía mental, u discapacidat intelectual, con un grau de discapacidat reconoixito igual u superior a´l 33 per ciento, u persona con discapacidat fisica u sensorial, con un grau de discapacidat reconoixida igual u superior a´l 65 per ciento, asinas como en los casos de malotía grieu que incapacite a la persona u a´l suyo cuidador, pa realizar una actividat laboral acreditando dita situación, lo limite d’o IPREM será de cinco vegadas la suya cuantía.
- Que lo loguero, mes los gastos y suministros basicos, resulte superior u igual a´l 35 per cient d’os ingresos netos que perciba lo conchunto d’os miembros d’a unidat familiar. A estos efectos, s’entenderá per «gastos y suministros basicos» lo importe d’o coste d’os suministros d’electricidat, gas, gasoil pa calefacción, augua corrient, d’os servicios de telecomunicación fixa y mobil, y las posibles contribucions a la comunidat de propietarios, totz ells d’a vivienda habitual que corresponda satisfer a l’arrendatario.
Si te trobas en situación de desemplego te ferá falta un certificato expedito pe´l INAEM en lo qual figure la cuantía mensual percibita en concepto de prestacions u subsidios per desemplego.
Los treballadors autonomos con cese d’actividat necesitarán un certificato expedito per l’Achencia Estatal de l’Administración Tributaria u l´organo competent d’a Comunidat Autonoma, en lo suyo caso, sobre la base d’a declaración de cese d’actividat declarada per l’interesau.
Pa acreditar lo numero de personas que habitan en la vivienda habitual cal aportar:
- Libro de familia u documento acreditativo de parella de feito.
- Certificato d’empadronamiento relativo a las personas empadronatas en la vivienda, con referencia a´l momento d’a presentación d’os documentos acreditativos y a los seis meses anteriors.
- Declaración de discapacidat, de dependencia u d’incapacidat permanent pa realizar una actividat laboral.
Pa acreditar que no tiens unatra vivienda te ferá falta una nota simpler d’o servicio d’indices d’o Rechistro d’a Propiedat de totz los miembros d’a unidat familiar.
Declaración responsable d’o deudor u deudors relativa a´l complimiento d’os requisitos exichitos pa considerar-se sin recursos economicos suficients.
@dslloadvogau
@dslloadvogau