Dica agora, quan los prochenitors, tutors, etc., d’un menor de 14 anyos quereban solicitar-le la nacionalidat espanyola heban de presentar una solicitut en lo Rechistro Civil pa que l’autorizasen dilatando asinas en lo tiempo dica complir este requisito.
Agora, dende lo pasato 3 de setiembre de 2.021, quan dentró en vigor la Lei 8/2021, de 2 de chunyo, lo proceso pa esta mena de nacionalidat s’ha simplificato. Antimás d’os requisitos ordinarios de pasaporte, certificato de naiximiento apostillato, documentos d’identificación d’os prochenitors, etc., només ferá falta lo impreso d’estos sin presentar-lo dinantes en lo Rechistro Civil. Ye decir, la nacionalidat espanyola d’o menor de 14 anyos se puede solicitar dreitament.
En este caso la solicitut ha d’ir sinyata per totz dos, manimenos, i hai situacions en las quals només pueden ir sinyata per un:
1. Presentación de sentencia chudicial que retire l´autoridat familiar a un d’os prochenitors.
2. En caso d’ausencia d’un d’os prochenitors, aportando una acta notarial d’autorización.
3. Quan l’interesato siga una persona con la personalidat churidica modificata chudicialment la solicitut la podrá presentar lo suyo representant legal que resulte d’a sentencia.
