Per mor d’a evolución d’o estato d’alarma y la expansión d’o coronavirus lo Instituto Cervantes ha cancelato las convocatorias d’os examens DELE y CCSE previstas pa lo mes de mayo. Igual que succedeba con lo examen CCSE d’o mes de marzo y d’o mes d’abril, en mayo, tampoco i habrá examen CCSE.
Asinasmesmo lo Instituto ye treballando en reestructurar totas las convocatorias d´os dos dos examens, por lo que fa a lo CCSE se realizarán dos convocatorias mensuals en cuentas de la sola que se realizaba dica agora.
Si yes una d’as personas a las quals han cancelato lo suyo examen pa mayo puetz cambiar la tuya convocatoria a qualsiquier atra, d´atra man, si encara no te trobas segura puetz solicitar a devolución d’a taxa de l’examen. Dica agora una vegada t’inscribibas en lo CCSE disposabas de 14 días pa desistir de dito examen, agora lo plazo s’ha enamplato a dos meses.
Unatra novedat a-saber-que important respective a la identificación d’os candidatos ye que lo Instituto Cervantes va a acceptar pasaportes caducatos dende lo mes de febrero de 2.020 y durante la vichencia d’o estato d’alarma.