Con iste post imos a empecipiar tota una tongada de publicacions pa fer-tos lo dreito civil aragonés replegato en lo nuestro Codigo Foral.
Lo prencipio Standum esta chartae ye replegau en l’articlo 3 d’o Codigo Foral Aragonés, lo qual estableix que <<Conforme al prencipio standum est chartae, se estará, en chudicio y difuera d´el, a la voluntat d´os atorgants, expresata en pactos u disposicions, siempre que no resulte d´imposible cumplimiento u siga contraria a la Constitución u a las normas imperativas d´o Dreito aragonés>>
Iste prencipio que vien a significar “estando a lo pactato” ye una d’as prencipals caracteristicas d’o nuestro dreito civil y en estar situato chunto a los articlos referents a las fuents d’o dreito se puede veyer la importancia que tien. La utilidat que tien ye la d’aduyar a interpretar y aplicar lo Dreito. La suya importancia ye tal que quasi podría considerar-se una “fuent de dreito” pa aquellas qüestions capaces de regular-se per pacto en las quals la lei, mientres no pueda deducir-se lo contrario, tendrá caracter supletorio, seguindo d’ista traza la nuestra tradición churidica.
Qué implicacions tien?
Siempre que lo que se pacte no siga contrario a la Constitución y a las leis aragonesas cal respectar lo que alcuerden las partes. Pareix bella cosa extranya y allena, pero si charramos de capitulacions matrimonials, deseparación de biens, testamentos, condicions replegatas en testamentos, prioridat en lo pactado respective a la viudedat, fiducia, etc., tot isto nos empecipia a sonar.
D´atra man, iste prencipio tamién ha estato aplicato pels Tribunals en afers allenos a lo dreito civil aragonés, asinas se puet veyer en sentencias relativas a arrendamientos, clausulas en contractos de compraventa, compraventa de participacions en rechimen de multipropiedad, etc.