Actualment lo rechimen civil d’as nuestras mascotas ye regulato pel articlo 333 d’o Codigo Civil do s´estavleix que “totas las cosas que son u puedan estar obchecto d’apropiación se consideran biens muebles u inmuebles”.
Manimenos, ye pendient d’aprebación en lo Congreso d’os Deputatos dende aviento de 2017 una Proposición de Lei de modificación d’o Codigo Civil en la quala se reconoixeba a las nuestras mascotas como “*seres vivos dotatos de sensibilidat”, ya no serían una “cosa”.
Quan una parella decide esvurciar-se puede trobar-se en la situación de quí se queda con lo can, lo gato, etc., y dica la fecha, tot y que lo Codigo Civil encara no ha estato modificato, los Chudgatos han alcordato diferents de custodia respective a los animals domesticos.
Fendo ficacio en aquells que sí que han reconoixito un rechimen de visitas dada la clara relación afectiva de l’animal con los suyos dos duenyos. Destacaría la Sentencia nº 818/2016, de 24 de noviembre, d’a Sección 6ª de l’Audiencia Provincial de Malaga (ROJ: AP MA 2937/2016), que ratifica la Sentencia de d´esvurcio dictata pel Chudgato de Primera Instancia nº 4 de Vélez-Malaga en la quala s’alcordaba l’atribución d’o can de raza cocker a los dos conyugues per periodos trimestrals. En dita sentencia s’aplicaba la Lei 11/2003, de 24 de noviembre de Protección d’Animals d’Andalucía, la quala permitiba cambear lo sistema de posesión trimestral d’a mascota a traviés d’a execución de sentencia en lo caso que belún d’os conduenyos incomplise con las obligacions de cudiau replegatas en la mesma.
D´atra man, en los casos de rupturas con menors de por meyo, ye més que acreditato que deseparar-lis d’as suyas mascotas en los procedimientos d´esvurcio puede perchudicar-lis, por lo que en muitas ocasions s’incluyen a las mesmas en lo convenio regulador.