Lo zaguer Consello de Ministros ha creato un procedimiento “especial y sumario” pa poder revisar de forma rapeda los rechimens de visitas y lo pago de pensions en casos de pais separatos con fillos que haigan puesto veyer modificada substancialment la suya situación personal y economica -ERTEs u perda de treballo- per la crisi d’o coronavirus.
Seguntes la exposición de motivos, las midas adoptatas per las autoridatz sanitarias han repercutito en lo normal desarrollo d’o rechimen de custodia y de visitas de menors, “provocando en ocasions desequilibrios en los tiempos de desfrute, lo qual ye previsible que pueda desembocar en demandas y solicitutz debant d’os chudgatos con competencias en materia de dreito de familia”.
D´atra man, las conseqüencias economicas que se derivarán d’a crisi d’o Covid-19 pueden conllevar alteracions en las situacions economicas d’as personas obligadas a lo pago de pensions alimenticias u bien en las situacions de qui las reciben, “lo que dará puesto a que sigan instatos procedimientos pa la modificación de tals midas”.
Pa dar una respuesta rapeda y eficaz a tals pretensions, sinyala lo borrador d’a norma, s’ha regulato un procedimiento especial “pensando en particular en l’intrés superior d’as personas menors afectatas y contribuindo a la suya millor protección”.
Asinas, la norma que aprebata tendrá aplicación durante la vichencia d’o Estat d’Alarma y dica tres meses dimpués d’a suya finalización, y versará sobre qüestions respectives a lo restablimiento d’o equilibrio en lo rechimen de visitas u custodia compartida quan un d’os progenitores no haiga puesto atender en los suyos estrictos termins lo rechimen establito, asinas como la revisión d’as medidas definitivas respective a pensions economicas entre cónyuges y alimentos reconoixitos a los fillos
Estas revisions tendrán como fundamento haber variato substancialment las circumstancias economicas de cónyuches y progenitors como conseqüencia d’a crisi sanitaria producita per lo Covid-19. Entre las prencipals novedatz, la posibilidat que las sentencias se puedan dictar oralment (o que se documentará con expresión d’o fallo y d’una succinta motivación). Amás, si totas las personas que fuesen parte en lo proceso estasen presents en l’acto por ell u debidament representatas y expresasen la suya decisión de no recurrir, se declarará, en lo mesmo acto, la firmeza d’a resolución.
https://elderecho.com/justicia-crea-procedimiento-expres-revisar-pago-pensiones-las-visitas-separados-hijos.
Si te fa falta més información puetz meter-te en contacto con nusatros.