Tarcheta Comunitaria pa conyuche u parella de feito de ciudadano comunitario.

En este post voi a explicar-tos qué requisitos y documentación fan falta pa adquirir a tarcheta de residencia pa lo familiar de ciudadano comunitario.

Qué requisitos cal cumplir?

Lo ciudadano comunitario tal como lo suyo propio nombre indica ha d’estar un ciudadano d’a Unión Europea (Espanya, Francia, Alemanya, Suecia, Estonia, etc.) que siga casato u rechistrato como parella de feito en qualsiquier rechistro oficial ta un ciudadano extranchero. Tamién este ciudadano comunitario ha de cumplir atros requisitos como contar con medios economicos y un seguro de salut.

Por lo que fa a los medios economicos lo ciudadano comunitario ha de contar con un contracto de treballo por cuenta allena/autonomo, u estar un estudiant con medios economicos suficients u simplement estar un ciudadano con medios economicos. La cuantía que s’exiche tener en cuenta pa poder acreditar estos medios ye de 9.500 € en cuenta corrient, esta cuantía s’habrá d’incrementar en 3.000 € per cada miembro d’a unidat familiar (si amás anyadimos a un fillo, etc.).

Per tanto, la documentación que fería falta presentar sería la siguient:

1. Impreso de solicitut “Ex-19”.

2. Pasaporte completo y en vigor d’o familiar.

3. D.N.I. d’o ciudadano espanyol u certificato de rechistro d’o ciudadano d’a Unión Europea.

4. Documento acreditativo d’a relación:

   1. Certificato de matrimonio en lo supuesto de matrimonio.

   2. Certificato d’o rechistro oficial de parellas de feito pa iste supuesto.

   3. Si se tracta d’un fillo mayor de 21 anyos u menor d´esta edat, lo ciudadano comunitario habrá d´acreditar que lo tiene a lo suyo cargo.

5. Medios economicos:

   1. Si treballa per cuenta allena podrá presentar: contracto de treballo, u declaración de contratación d’o emplegador u certificato d’emplego, u documento d’alta u situación asimilada a l’alta en lo rechimen correspondient d’a Seguranza Social.

   2. Si ye autonomo podrá presentar: inscripción en lo censo d’actividatz economicas, u chustificación d’o suyo establimiento per medio d’Inscripción en lo Rechistro Mercantil, u documento d’alta u situación asimilada a l’alta en lo rechimen correspondient de Seguranza Social.

   3. Si no s’exerce garra actividat economica: habrá d´acreditar que conta con medios economicos suficients, per medio d’un certificato bancario que acredite disposar d’os 9.500 € que tos he sinyalato dinantes, y de disposar d’un seguro medico.

   4. Si ye estudiant habrá de presentar la siguient documentación: matricula d’o centro d’ensenyanza, de seguro medico y una declaración responsable que cuenta con los medios economicos suficients pa si mesmo y la suya familia en la suya estancia en Espanya.

6. Seguro medico.

 

Si tiens qualsiquier dubda puetz meter-te en contacto con nusatros.

 

Daniel S. Llorente